Kaziranga NP-a samak an pung

Kaziranga National Park and Tiger Reserve (KNP&TR) , Assam-a samak awm zat chhiarpui neih zawh takah, ki pakhat nei samak hi kum 2018 aiin 200 in an pung a, 2,613 an awm.

Samak 2,613 awm zinga 1,653 chu adult (kum 6 chunglam) niin, an zingah hian a pa 750 leh a nu 903 an awm a, sub-adult (kum 3-6 inkar) 262 awmin a pa 116 leh a nu 146, juvenile ( kum 1-3) inkar 279 leh calves (kum 0-1 inkar) 146 an awm a ni.

Kumina Kaziranga Park-a samak chhiarpui neihah hian a ṭum khatna atan drone technology hman a ni. Chhiarpui hi Assam Forest Department-in NGO hrang hrangte puihna nen March 26-27 chhung khan a nei a ni. Census operation neihnaah hian enumerator 64, independent observer 12 leh media observer 49 an tel.

Chhiarpui neihna atana hman, sai 50-te chu national park pumpui bakah, park belhna leh civil area-te tuam chhuak turin dah an ni a, forest department chuan an department mi leh sa 252 an chhawr tel bawk.