Manipur-ah poppy chinna hmun tichhia

Manipur sorkarin ruihhlo dona, 'War against Drugs' campaign a kalpui meknaa sorkar thawhpuiin, Senapati district-a Tamuyon Khullen khaw mite chuan an khaw ram poppy chinna hmunte an tichhia a, an thil tihchhiat hlut zawng hi Rs vbc 45-50 hu vel a tling.

Chief minister N Biren Singh-a'n ruihhlo do beihpui thlak tur leh, poppy chinna hmunte pawh titawp turin mipuite a ngen hnuah, Tumuyon Khullen village authority council leh Tumuyon Khullen Youth Club-te hmalaknain an ram chhunga poppy chinna hmunte hi tihchhiat a ni. Poppy an tihchhiatte hi ram hectare 10 vela zaua chin niin, ni li vel hun an hmang a ni.

Tumuyon Khullen khaw hotute chuan ruihhlo dona kawngah sorkar chu theihtawpa an puih zel tur thu an sawi.