Assam Panchayat poll atan Security nuai khat chuang dah dawn

Assam Panchayat inthlan, December 5 leh Decem­ber 9-a neih tur atan civil employee 1,40,000 leh security personnel mi nuai khat chuang state chhungah dahluh an ni dawn.

Assam Panchayat inthlan hi district 26 leh civil sub-division 14-ah neih a ni dawn a ni.

Assam Director General of Police Kuladhar Saikia chuan district zawng zawnga Superintendent of Police zawng zawng hnen­ah venhimna kalpui tur indaih zana dah tura an hriattir thu sawiin buaina chhuah hlauhawmna hmun te chu uluk taka zirchianga hrechiang tura an hriattir thu a sawi. Inthlanna dik leh zalen tak hmuh an duh thu sawiin khawi district pawhin venhimna kalpui an duh a nih chuan pek ngei an tum dawn tih a sawi bawk.

Assam-ah hian Gaon Panchayat 2,200 a awm a, vote thlak thei mi 1,56,41,456 awmin heng zinga 8,12,38,35 hi mipa an ni a, 7,51,76,21 chu hmeichhia an ni thung. Polling station 23,505 dah a ni dawn a, heng zinga station 8243 chu 'sensitive'-a ngaih a ni a, 3665 phei chu ‘very sensitive’ huanga dah an ni.

Assam Election Commi­ssioner HN Bora chuan nikum aṭang tawh khan kumin Pan­chayat inthlan atan hian an inbuatsaih tih a sawi.

Term pangngaiah chuan kumtir January emaw February-ah emaw khan neih tawh tur ni mah se tihkhawtlai anih thu a sawi a, an inpuahchah ṭha hle niin a sawi bawk.