Meghalaya sorkarin ASHA worker-te hlawh tur pe chhuak

Meghalaya sorkar chuan kum 2021-2022 chhunga ASHA worker-te hlawh atan cheng vaibelchhe 53 a pe chhuak a, hei hian nikum March thla aṭangin hnathawkte hlawh alo bat tawh chu a pe tlak thei dawn a ni.

Sorkar chuan National Health Mission (NHM) hnuaia ṭum khata sum pekchhuah tam ber ṭum a ni tih a sawi a, 'Kum 2018-2019 k han fund dawn mumal loh avangin NHM Meghalaya chuan ASHA worker-te hlawh chu regular takin a pe thei lo a ni," a ti. Hnathawkte hlawh ba pekna tur hian state sorkar chuan Meghalaya ASHA Benefit Scheme (MABS) hnuaiah fund hi a sanction tih a tarlang bawk.