Nagaland-Manipur border-a bandh titawp

Southern Angami Public Organization (SAPO) chuan Nagaland-Manipur border-a tiam chin awm loa bandh an huaihawt chu an titawp lailawk tih Ningani khan an sawi.

SAPO president Kevipodi Sophie leh general secretary Swelul Pucho chuan Tenyimi Peoples’ Organization (TPO) leh Angami Public Organization (APO)-te ngenna vangin bandh hi tihtawp lailawk a nih thu an sawi a ni.

TPO hian Kezoltsa aṭanga police-te lachhuak turin Manipur sorkar hnenah ngenna an thehlut a, hemi hnu hian SAPO chu kawng dan titawp turin an ngen a ni. APO pawhin April 18-a Golden Jubilee lawmna buatsaih an tum avangin SAYO chu an bandh huaihawt hi titawp turin an ngen ve bawk.

SAPO chuan bandh chu tihtawp hlen a ni lo tih sawiin, March 28-a Manipur sorkar hnena an thil phut an hriattir chu tihhlawhtlin a nih loh chuan a ṭul angin hma an la leh dawn a, eng pawh lo thleng se Manipur sorkar chu mawhphurtu a ni dawn a ni, an ti. Kezoltsa/Kozürü/Kazing-a Manipur police dah chu lakchhuah an phut a, Manipur police-ten in an tihchhiatsakte chu zangnadawmna pe turin an phut bawk a ni.