Sorkar laipuiin AP-a road project 27 a pawm

5th April, 2022

Sorkar laipui chuan Arunachal Pradesh state tan road project 27 a pawm.

Heng project-te hi Central Road Infrastructure Fund (CRIF) hnuaiah pawm an ni a, project 27 atan hian Rs vbc 553.84 ruahman a ni.

Union minister of law and justice, Kiren Rijiju chuan Pathianni khan Arunachal Pradesh-a inkalpawhna kawngpui ṭha zawk siam a nih theihna tura road project ṭhahnem tak pawm a nih thu hi a sawi. Project pawm zingah hian Kra Daadi district-a Boa Sango - Neomi (14 km) kawng siamna tur te, East Siang district-a Seram-Bijari kawng tihlen leh thuam ṭhatna tur te, bakah China ramri hrul, Shi-Yomi district-a Mechuka khuaa cement concrete pavement siamna turte a tel.