Jaintia thingtlang khaw 26-ten Meghalaya-a beh chhunzawm zel duh

Assam leh Meghalaya sorkar-ten ramri buaina an neihna hmun 12 zinga hmun parukah inremna an ziak fel tawh a, a dang hmun paruka an buaina pawh chinfel dan kawng ngaihtuah leh thuai an tum. Ramri buaina chinfelna atan hian state sorkar pahnihte hian 'give and take' policy an hmang a ni.

Ramri buaina an la neih mekna hmun paruk zinga tel, Jaintia Hills district-a Block 1 leh Ri-Bhoi district-a Block-11-a thingtlang khaw 26 hruaitute chu kar liamta khan Lamang khuaah Labang Nongphyllut Pangam Raliang Area Committee (LNPRAC) tih hmingin an inhmukhawm. Khaw 26 hruaitute hian ramri chinfelna tur an siam leh a nih dawn pawhin, anni ho chu Meghalaya state lama beh chhunzawm zel an duh tih sawiin, hei hi Meghalaya sorkar hnenah pawh an thlen nghal bawk.

State pahnihten ramri buaina an la neihna hmun dang pali chu - Langpih, Borduar, Nongwah-Mawtamur leh Psiar-Khanduli te an ni.