Manipur minister hoin medical college sakna tur hmun endik

Manipur transport, tribal affairs and hills minister Vungzagin Valte hoin Pathianni khan Churachandpur district-a Mata khaw bula medical collega sakna tur hmun an endik. 

Medical college thar, seat 100 awm theihna tur hi ram acre 25-a zauah sak tum a ni a, minister chuan building sak hna hi ṭan thuai a ni tur thu a sawi. 

Minister Valte chuan Tedim Road aṭanga medical college panna kawngpui dan turte a endik nghal bawk. Kawng hi metre 12-a zaua siam tum a ni. 

Medical college sakna tur senso hi Ministry of Health and Family Welfare-in a tum dawn a,  kawngpui siam hna hi PWD in a thawk dawn a, Manipur Police Housing Corporation-in college building hi a sa thung dawn a ni. College sakna senso atan hian Ministry of Health and Family Welfare chuan cheng vaibelchhe 325 a ruahman a, first instalment chu state sorkar hnenah pek a ni tawh. 

College sakna tur hmun endiknaah hian minister hi Churachandpur ADC chairman KH Haokip,Additional Chief Secretary (Works) Paulunthang Vaiphei; Principal Secretary (Health & FW) Vumlunmang Vualnam; Deputy Commissioner PawanYadav leh official dangte an ṭawimawm a ni.