Manipur Dy Speaker-in Covid-19 a kai

Manipur Legislative Assembly-a deputy speaker Kongkham Robindro chuan Covid-19 a kai tih Pathianni khan hriat a ni. 

Deputy Speaker hian a facebook page-ah hri a kai thu hi ziakin, sorkar dan zawmin in lamah inenkawl tura a inkhung hran nghal thu a sawi. Mipuite chu hri laka an him theihna tura Covid-19 guideline siamte zawm ṭha turin a ngen nghal bawk. 

Manipur-ah hian legislator pangain hri an kai tawh a, November 15 khan chief minister N Biren Singh pawhin Covid-19 a kai tih hriat a ni a,  in lamah a la inkhung hrang mek a ni. CM chuan a hriselna pawhin hma a sawn zel thu sawiin, in lam aṭangin hna pawimawh a thawk thei tawh tih a sawi. 

State chhunga hri kai hmuh chhuah tawh hi mi 23,400 awm tawhin, an zinga 20,353 chu enkawl dam an ni tawh thung. Enkawl dam rate hi 85.54% a ni. Hripui vanga thi mi 236 an awm tawh bawk.