TIPRA hotuin mipuite phatsanah tribal MLA-te puh

Tripura-a The Indigenous Progressive Regional Alliance (TIPRA) chairman Pradyot Kishore Manikya Debbarma chuan an state-a tribal MLA leh minister ni laite chu mipuite phatsanah a puh.

Dhalai district-a Thawhlehnia TIPRA-in rally a huaihawtah Debbarma chuan tribal MLA leh minister-ten inthlan dawna mipuite hnena thu an lo tiamte chu a lem mai a ni, a ti. Inthlan dawna mipui vote dila thil hrang hrang an tiam hnuah, MLA leh minister-ahte an awm chhoh hnuin an hausa chak a, an fate pawh school ṭha tak takah dahin, mipuite nitin tawhte chu an hriatpui tawh lo a ni, tiin a sawi.

Greater Tipraland din tura an beihnaah, an inlungrualten tihchhiat tuma phiarutu an awm tih Debbarma chuan a sawi a, bumin an awm tawh tur a ni lo tiin a sawi. Kum 2023-a state assembly inthlan neih turah, TIPRA chu tribal bial aṭanga party awmchhun a ni dawn a, hnehna pawh an chang ngei dawn tih a sawi bawk.