Assam CM-in DC-te mipuite harsatna hriatpui turin chah

Assam chief minister Himanta Biswa Sarma chuan state chhung district tina deputy commissioner (DC)-te chuan an bial chhung fangkual ṭha tur leh, mipuite harsatna neihte hriatpui turin a chah.

Thawhlehnia Guwahati-a DC conference a hmanpuinaah CM chuan he thu hi a sawi a, DC tinte chu an bial mipuite nena inpawhna ṭha tak siam turin a ti. District thuneitute leh mipuite inkara inzawmna ṭha a awm theihna turin district day-te pawh lawm turin a ti bawk a ni.

Kumin January thla khan state cabinet chuan district tinah district puitlinga hlankai an nih ni, District Day atana hmang vek turin an lo rel tawh a ni. Hlankai an nih ni hi hriatchian a nih loh pawhin DC hmasa berin a zawm ni chu District Day angah hmang mai turin a ti bawk.