Manipur : State Level Orange Festival hmang

Manipur-a State Level Orange Festival vawi 15-na chu Inrinni khan Tamenlong district headquarter-ah hman a ni.

Inrinni-a Orange festival-ah hian serthlum chingtu 173 an tel a, an tawn­hriat te sawichhuahna hun an hmang. Tamenglong district administration hnuaia office ṭhenkhatah dawr hawn ni bawkin mi tam takin festival hi an chhim bawk.

Orange Festival chief guest Manipur Chief Minister N Biren Singh chuan Tamenglong huamchhunga serthlum chingtute chu sum leh pai hmanga an ṭanpui dawn thu sawiin, an ram blue print mumal tak erawh an neih a ṭul dawn tih a sawi. Biren Singh chuan Horticulture department chu research team din tura hriattirin serthum chingtute harsatna tawh te enfiah turin a ti.

SAMPADA Scheme hnuaiah cold storage an din dawn thu sawiin hei hi serthlum chingtute tana hman tur a nih thu a sawi. Tamenglong mipuite chu Amur Falcon festival emaw Orange Festival emaw chu nakkum atana state festival atan an duh zawk thlang turin a ti bawk a ni.

Orange festival-ah hian Horticulture and Soil Conservation Minister Th. Shyam Kumar, CAFD Minister, Karam­Shyam, Tamenglong MLA, Samuel Jendai leh Tamei MLA, Awangbou Newmai -te pawh an tel.