Sikkim-in nu, fa nei lote puihna tur scheme siam

Sikkim chief minister Prem Singh Tamang chuan a kaihhruai sorkar chuan an state-a nu, fa neilote puihna tur, 'Vatsalya' scheme siam a nih thu a sawi.

He scheme hmang hian nu fa nei lo, nupa fa nei lote puihna sum faiin Rs nuai thum pek an ni dawn a, hei bakah hian In-vitro Fertilization (IVF) treatment la turin sorkar chuan a pui bawk ang. Nau nei thei lo a, IVF treatment a to vanga la thei lote chu he scheme hi an chhawr ṭangkai thei dawn a ni.

Sikkim-a sorkar hna thawk leh thawk lote pawh he scheme hian a huam vek dawn a, sum hi Chief Minister's Medical Assistance fund aṭanga pek a ni ang.