Tripura-ah nitin HIV kai thar pahnih hmuhchhuah ang a ni : CM

Tripura chief minister Biplab Kumar Deb chuan an state-ah HIV kai thar an pung nasa hle tih sawiin, chawhrualin tun hnaiah HIV kai thar hi nitin pahnih hmuchhuah ang zel a nih thu a sawi.

Chief Minister chuan HIV kai thar tam ber hi ruihhlo ngai leh lo khawih tawh ṭhinte an nih thu leh, lehkha thiam leh chhungkaw dinhmun pawh harsa lo tak vek an ni, a ti. Ṭhalai, hmabak eng tak neih an nih laiin kawng dik lo zawhin, ruihhlo an khawih a, hei hian nghawng ṭha lo thlenin an hmalam hun turte anmahni ngeiin an tichhia a ni, tiin Abhoy Mission-in hun an buatsaihah a sawi.

Deb chuan state sorkar chuan an state-ah ṭhalai, ruihhlo vanga buai an awm pun chhoh avangin drug rehabiliation centre-te pawh siam a tum tih a sawi bawk. "Budget hnuhnung berah khan Tripura-a drug rehabilitation centre pahnih siamna atan Rs vbc 20 ruahman a ni. Sum dah hi tam tham tak a ni a, ruihhlo ngai enkawl tur awm lo se chuan miretheite chawikanna leh khawtlang hmasawnna hna thawhna atana ṭangkai taka hman theih tur a ni," a ti.