HDFC Bank-in Assam-ah loan Rs vbc 7,000 chuang pe

HDFC Bank chuan kum 2021 chhung khan Assam-ah an loan pek chhuah chu 12% zetin a pung a, Rs vaibelchhe 7,000 chuang an pe tih an sawi.

Kum 2021, December 31 thlenga bank-in Assam-a customer hrang hrang - retail, corporate, MSME leh microfinance sector hnena loan a pek hi Rs vbc 7,008 a ni. Kum 2020 khan loan hi Rs vbc 6,212 an pe chhuak thung a ni.

HDFC chuan Assam-a private sector bank lian ber a nih thu leh, MSME sector-a private lender zingah market share 8.72% an neih thu a sawi. HDFC Bank branch banking head (east) Sandeep S Kumar chuan Assam mipuite tana thawk thei tura customer ṭha tak tak an nei chu an lawm thu sawiin, Assam hmasawnna kawnga tha an thawh ve thei chu an lawm hle tih a sawi.