Manipur CM-in minister-te chanpual sem

Manipur chief minister N Biren Singh chuan a kaihhruai sorkarin buaina a tawhte an chinfel hnuah a minister-te chanpual a sem ṭha leh a, a department chan ṭhenkhat chu deputy chief minister Y Joykumar Singh a pe. 

National People's Party (NPP) member, Deputy CM hian Finance,  Science & Technology, Ecnomics and Statistics a chang a, CM hian  Home, Per­sonnel, Planning, General Administration Department, Vigilance, Transport, Minor Irri­gation, Tourism and Mino­rity Affairs-te a la chang chhun­zawm thung. 

Hei bakah hian Other Backward Classes, Scheduled Caste, Information Technology, Housing and Urban Deve­lop­ment, Horticulture and Soil Conservation pawh a la chang bawk a ni. BJP kaihhruai sorkar laka hel, NPP minister dang pathumte pawh  thlem lungawi an nih leh hnuah an chanpual ngai vek pek leh an ni. Ṭangrual sorkarah hian minister 12 awmin, NPP in minister pali leh an thawhpui dang Naga People's Front (NPF) in minister pahnih an nei a ni.