Manipur : Mega Food Park siamna tur enfiahnaah buaina chhuak

Manipur-a Mega Food Park siamna tur endiknaah kar liam ta Zirtawpni khan tualchhung mite leh police-te an intibuai a, civil mi panga leh police assistant sub-inspector-in hliam an tuar.

Survey department official-te leh police-te chuan Kakching district-a Yaithibi Louko-a mega food park siamna tur hmun endik turin an kal a, mahse Kakching district-a Sora khua leh Tengnoupal district-a Koijam Maring khaw mite chuan official-te ram teh hi lo dangin, buaina hi a chhuak zui ta a ni. Mipuite hnawhdarh nan police-te hian tear gas an hmang a ni.

A hma pawhin sorkarin ram enfiah a tumna hi mega park siamna turin a nghawng biala chengte hian a hmain an lo dodal tawh bawk. Tualchhung mite chuan inremna an siam hunah ram enfiah hna chu thawk mai turin an lo ngen a, mahse official-te hian an ngenna hi an ngai pawimawh loh avangin buaina hi a chhuak ta niin an sawi.