AP : Sorkar hnathawkte tan online course hawng

Arunachal Pradesh chief minister Pema Khandu chuan kar liam ta Zirtawpni khan state sorkar hnuaia hnathawkte tan ruihhlo hmansualna laka invenna tur, online certificate course a hawng.

He online course hnuaiah hian a thawh khatna atan Group A leh B hnathawkte chu thla li course an kal dawn a ni. Course zo te hnenah certificate pek chhuah zel an ni ang.

Chief Minister chuan he thil hi sorkarin ruihhlo do hna a thawhna kawnga puitu tur a nih thu sawiin, an state-a zu leh damdawi hmansual hluar chho zel chu ngaihven a ngai tawh tak zet, ṭhalai tam tak a bawihah an tang mek a ni, a ti.

Pema Khandu chaun, "Mi tam tak chuan ruihhlo hmansual leh a khawihtute a nghawng dan ringawt kan hre ṭhin. He thilin chhungkua a nghawng dante hi kan hrechiang lo a ni," a ti. Ruihhlo hmansual chungchanga Arunachali film siam thar, 'I Killed my Son' tih chuan a rilru a hneh hle tih a sawi bawk.

Sorkar hnathawk zawng zawngte chu online course chu kal vek turin CM chuan a ngen.