Kawng siamna tur fund dil turin Meghalaya sorkar hrilh

Meghalaya High Court chuan East Garo Hills district-a kawng siamna tur sum chu sorkar laipui hnena dil turin Meghalaya sorkar a hrilh.

East Garo Hills-a Chiminmingrre leh Kakwa Duragre inkarah kawng mumal a awm loh avangin helai biala chengten nitin harsatna an tawk nia Jokopgre khuaa cheng, Arnold G Momin-a'n petition a thehluh chu chief justice Sanjib Banerjee kaihhruai division bench chuan a ngaihtuah a ni. 

Bench kawng ṭhat loh avanga tualchhung mipuiten tawrhna thleng avang chuan state sorkar chuan kawng siamna tur hi union ministry lamah a dil tur a ni, a ti. Sorkar laipuiin an dilna hi a lo hnawlsak a nih chuan, a hnawlsak chhan chiang takin a sawi tur a ni, a ti bawk. Hemi rual hian a thuphunga a lo pawmpui a nih chuan, a siamna tur senso hi state sorkar chuan kar hnih chhunga siamin a thehlut tur a ni a, hna chu a rang thei ang bera thawh a ni tur a ni, a ti.