Meghalaya-ah mobile tower 350 chuang dah belh dawn

Meghalaya state chhunga thingtlang khua zawng zawngten mobile network an neih theih vekna turin mobile tower 350 chuang dah belh tum a nih thu official-te chuan an sawi.

Meghalaya state-ah hian thingtlang khaw 6,839 awmin, heng zinga khaw 1,164 chuan mobile network hi an la nei lo a ni.

Chief secretary hoin mobile network awm lohna thingtlang khaw 1,164-a mobile internet service pekna tur, Universal Service Obligation Fund (USOF) scheme chu thlirho a ni a, he scheme hnuaia hian Rs vbc 726.65 sengin mobile tower-te hi dah belh tum a ni. BSNL chuan mobile tower 352 siam belhna tur hi an pawm tawh bawk.

BSNL official chuan thingtlang khaw hrang hrangah mobile tower hi 346 siam belhin, NH42 leh NH 51-ah paruk siam a ni dawn bawk tih a sawi a ni.