Manipur-ah Horticulture retail outlet market pathum hawng

Manipur Horticulture and Soil Conservation Minister, Thounaojam Shyamkumar chuan Thawhṭanni khan sorkar laipui scheme Mission for Integrated Development of Horticulture (MIDH) hnuaia sak Horticulture retail marker outlet pathum a hawng.

Horticulture retail outlet market-te hi Horticulture and Soil Conservation Department, Government of Manipur kaih­hruaina hnuaiah sak a ni.

Retail outlet market pakhat hi Andro Assembly Constituency, Imphal East district huamchhunga awm Tumukhong thingtlang khuaah a ni a, Saikul Assembly Constituency, Kangpokpi district-a Island Risophung leh Island Block-ah pawh pakhat ve ve hawn a ni bawk.

Shyamkumar chuan Horti­culture retail market-te hi mipui ten an chhawr ṭangkai ngei a beisei thu sawiin an hawnna chhehvel mipui te chuan ṭangkai takin an chhawr a rin thu a sawi.

Minister chuan mipuite chu thlai chin uar lehzual tura chah nghalin organic thlai lam ching uar lehsual turin a chah bawk.