Hornbill Festival : Tlawhtu mi 2,51,701 an awm

Nagaland Hornbill Festi­val chu ni 10 zet hnuah Thawh­ṭanni khan zawh a ni ta.

Kumin Hornbill Festival hi a vawi 19-na niin Thawhṭanni khan meipui lian taka chhepa lamin hun an khar a ni.

December 1 khan Union Home Minister Rajnath Singh chuan festival hi a hawng a, a hawnni aṭang hian chhimtu an tam nghal hle.

Deputy Chief Minister Y. Patton chuan festival kharna hun hi kaihruaiin Damiano Francovigh, Italian Consulate General, Kolkata chu Honored Guest a ni.

Tourism and art & culture Advisor H. Khehovi Yepthomi chuan festival kharna hi neiin hlawhtling taka festival neih a nih theihna atana pungkhawm mipuite chu lawmthu a hrilh. Khualzin leh mikhual te chu festival hlawhtlinna tak an nih thu sawiin Nagaland ambassador leh an ṭhiante an nih thu sawiin nakkumah pawh tlawh leh ngei turin a sawm.

Hornbill Festival hi kumtina neih ṭhin niin Naga Heritage village, Kisama-ah neih ṭhin a ni a, Kisama hi Kohima khawpui aṭangin km 12 vela hlaa awm a ni.

Kumin Hornbill Festival pengah hian Khezhakeno-ah People's Festival hman a ni a, Mount Teyozwu-ah trekking leh hiking hun te hman ni bawkin Kigwema-a traditional evening park-te pawh a tel bawk. Rifle shooting competition, Nagaland Honeybee Day, Loom festival, Folk tune competition, Ist Hornbill Night Parade leh Ist Hornbill Badminton Tournament-te pawh buatsaih a ni. Korean cultural team-te pawh an perform bawk a ni.

Ei insiam siak te pawh buat­saih a ni bawk a, Riders meet-te pawh kumin hian a awm bawk.