Tripura Congress-in tribal area tan budget tam zawk phut

Congress Working Committee member leh in-charge Tripura Dr Ajoy Kumar chuan Tripura-a tribal area atan state budget-ah share tam zawk dah a phut.

Dr Ajoy Kumar chuan Tripura-a tribal area chu state zau zawng aṭanga 60% niin, state mipuite zinga 33% an cheng tih a sawi. Mahse state budget-ah tribal area tan hian Rs vbc 400 chauh dah a ni, a ti. Tripura-ah Congress-in sorkarna an siam chuan, budget chu mipuite tam dan mil zela an siam tur thu a sawi bawk.

Agartala-a Muktadhara auditorium-a Adivasi Congress seminar-ah he thu hi sawiin, Dr Kumar chuan, state leilung fa dik takte chu an chanvo tur pawh chang thei loin siam an ni tiin, mipuite chu an harhchhuah a, an bei let a nih loh chuan BJP chuan an dinhmun chu a tihchhiat sak zel dawn a ni, a ti.

TTAADC area-a Congress worker-te chu ṭan la tura fuihin, inthlana chak tur chuan pawisa a ngai an tih ṭhin chu a dik lo thu tilang a, dik taka thiltia vote zawng turin a ti. Mipuite hnenah BJP sorkar hnuaia dik lo taka rorelsak an nih dante hrilhfiah tura chahin, rorellai party in tribal area-te hmasawnna tur an dal dante chu hrilhfiah turin a ti a ni.