KSU-in harsatna awmte chinfel hma chuan Inbiak thawh 2-na nei rih lo turin ngen

Khasi Students' Union (KSU) chuan Meghalaya leh Assam sorkar hnenah, ramria inremna thawh khatna an siama harsatna awmte chu chinfel vek a ni hma chuan inbiak thawh hnihna ṭan rih lo turin a ngen.

March 29 khan state pahnihte hian ramri buaina an neihna hmun 12 zinga hmun parukah inremna an ziak a ni. Mahse Meghalaya-a pawl eng emaw zat chuan inremna siam a nih dan hi an sawisel a ni.

KSU president Lambokstarwell Marngar chuan inremna an ziah hnuah harsatna lo awmte chu chinfel a nih phawt loh chuan, buaina a punlun chho zawk dawn niin a sawi. Hei vang hian state sorkar chu mi hrang hrangte lungawi lohna sawite chu ngaihthlak sak phawt turin a ti. Meghalaya sorkarin Assam nena hun rei tak ramri chungchanga buaina an lo nei tawh chinfel a tumna kawng daltuah KSU chu ṭan a tum lo a, mahse hemi rual hian thutawp siam hmain sorkar chuan ramri biala chengten an pawmpui theih tur dan ngaihtuah turin a ti.