Manipur-ah Congress Party kaihhruai ṭangrual pawl din

Manipur-a BJP kaihhruai ṭangrual-a rorellai MLA pakuain sorkar thlawpna an hnuhdawh hnuah, eptu party Congress chuan sorkar thar din tumin hma a la nghal a, Congress kaihhruai ṭangrual pawl, Secular Progressive Front (SPF) an din nghal a ni. 

Sorkar thlawpna hnukdawktu zinga BJP MLA pathum chuan Congress an zawm a ni. Anni bakah National People's Party (NPP) MLA pali, Trinamool Congress MLA pakhat leh independent MLA pakhatin sorkar thlawpna hi an hnukdawk. 

Manipur Assembly chuan Congress zawmtu, BJP MLA pathumte banna hi a pawmsak tawh bawk.

SPF hian Ningani zan khan governor Dr Najma Heptulla hnenah memorandum an thehluh nghal. Sorkar thar siam turin member an ngah tawk thu sawiin, BJP kaihhruai sorkar rin tawk lohna motion put luh a nih theihna atan Assembly special session ko turin an ngen. Nimina Rajya Sabha member thlanna neih zawh hnuah ṭangrual pawl hian Governor hi an hmu a ni.