Assam : Waterways conclave-ah MoU 6 ziak

Dibrugarh, Assam-a waterways conclave neihaah memorandum of understanding (MoU) paruk ziah a ni.

MoU hmasa ber hi Inland Waterways Authority of India (IWAI) leh Gauhati University (GU) in inland waterways-a research, consultancy, investment leh thil dang thawhdunna tura an ziah a ni. IWAI hian m/s Rajsh Auto Merchandise Pvt Limited chu West Bengal-a Maia terminal lailawk enkawlna turin MoU hi a ziahpui bawk.

IWAI leh m/s Jimex International chuan Maia terminal lailawka hnathawh leh enkawlna turin inremna hi an ziak bawk a, IWAI leh Brahmputra Cracker and Polymer Limited chuan inland water transport banga bungrua phurhna turin thawhdunna tur an ziak bawk a ni.

MoU pangana hi IWAI leh Tata Steel Jamshedpur-ten inland water transport hmanga steel thawnna tura an ziah a ni a, a parukna hi Tripura sorkar leh Indian Register of Shipping (IRS)-in lawng enfiah hna leh thawktute training pekna tura thawkdun turin an ziak bawk.