Meghalaya leh Nagaland-ah Aadhaar card nei lo 40% chuang la awm

Unique Identification Authority of India (UIDAI) data tihchhuah thar bera a lan danin, Meghalaya leh Nagaland-ah chuan state mipui zinga 40% chuangin Aadhaar card an la nei lo.

Meghalaya-ah hian Aadhaar card nei tawh hi 58.61% niin, Nagaland-ah 59.29% an ni. Arunachal Pradesh-ah Aadhaar card nei hi 79.29% awmin, Manipur-ah 77.79% an awm bawk. Hetih lai hian Aadhaar card 100% pe chhuak tawh hi India ramah state pahnih leh union territory pali an awm tawh thung.

Meghalaya hi state zingah Aadhaar card pe chhuak tlem ber a ni a, mahse tun hnaiah erawh hma a sawn chho zel. Kum 2016 khan Aadhaar nei hi 3% chauh an ni a, mahse kum 2020-ah 30.3% ah an kai chho a ni. State sorkar chuan kum 2023-ah state mipui 70% te Aadhaar card pek hman tumin hma a la mek a ni.

Nagaland-ah hian kum 2017-ah Aadhaar card nei hi 55% an ni a, kumin thlengin 4% chauhin hma a la sawn thung.