AP-ah bird watcher-ten ni 3 chhungin sava chi hrang 105 hmu

Arunachal Pradesh-a Tawang district-a Lungla subdivision chhungah bird watcher-ten ni thum chhungin sava chi hrang 105 an hmu.

State chhunga bird watcher-te hian Lungla subdivision-ah hian ni t hum chhugin birding tour a nei a, hemi chhung hian Zemithang, Old Lumla leh Namstering area-ah sava chi hrang hrang 105 hi an hmu a ni. Sava chi hrang an hmuh zingah hian Ultramarine Flycatcher, Red-headed Bullfinch, Mrs Gould’s Sunbird, Blyth’s Swift, Bhutan Laughingthrush, Khalij Peasant, Rufous- Breasted Accentor, Crested Bunting leh Darjeeling Woodpecker-te an tel. Rul chi dangdai tak, vine snake family member nia hriat pawh an hmu bawka, a thlalak leh video te expert-te hnenah thawnin report an nghak mek bawk.

Women Welfare Association, Lungla chuan Arunachal Pradesh Birding Club (APBC) leh Ngunu Ziro nen thawkhoin Nilaini khan Gakyid Zomkhall Hall-ah homestay, photography and birding workshop an buatsaih bawk a ni.