2023-24-ah Tripura-ah Eklavya school 17 siam hman tum

Union minister Bishewar Tudu chuan 2023-24 academic session-ah Tripura state-ah Eklavya Model Residential School 17 peihfel hman tum a nih thu a sawi.

Tripura-ah hian Eklavya Model Residential School hi pali a awm mek a ni.

Minister Tudu hian ni hnih cham turin Thawhlehni khan Tripura-ah hian a kal a, tribal welfare leh water resource department official-te meeting neihpuiin, heng ministry pahnih hnuaia scheme hrang hrang kalpuite hmasawn dan a thlirpui.

Tudu chuan Eklavya school thar siamna atan hian pakhatah Rs vbc 40 zel hman a nih tur thu sawiin, tribal zirlai 500 vel zel an kal thei dawn a ni, a ti. Eklavya Model Residential School-te hian CBSE curriculum an zawm vek ang. "CBSE currirulum zawmna English medium school aṭanga tribal zirlai pass chhuakte tan an hmalam hun ṭha tak an nei thei dawn a, entrance test hrang hrang pawh an exam thei dawn a ni," a ti.

Tribal zirlaite tana zirna ṭha zawk pekna turin kum 2018 khan central sector scheme hran siam a ni a, 2011 census-a Scheduled Tribe population 50% chuang awmna block leh tribal mi 20,000 tal an awm tlinnaah Eklavya Model Residential School hi din zel tura tih a ni.