Nagaland-ah Covid-19 positive panga awm belh

Nagaland-ah nimin khan hri kai thar mi panga hmuh belh an ni a, an state-a hri kai hmuh chhuah tawh hi mi 198 an tling tawh. Hri kai zinga a tam zawk hi enkawl dam ni tawhin, enkawl mek 89 an la awm. 

Health minister S Pangnyu Phom chuan sample  320 endik zingah panga-in hri hi an kai tih hmuh chhuah a nih thu a sawi. Hri kai hmuh tharte hi quarantine centre-a awm lai vek an ni tih a sawi bawk. 

Nagaland-a hri kai hmuh chhuah zat hi pung zel mah se, enkawl dam pawh an pung ve zel. Ningani khan enkawl mek zinga paruk chu an result a negative tawh a, anni nen hian hri kai enkawl dam hi mi 109 an awm tawh.Enkawl dam, recovery rate hian 56% a tling tawh a ni.