Assam Panchayat inthlanah BJP che ṭha

Assam Panchyat inthlan result chu nimin leh nimin piahah khan chhiar a ni a, ballot paper hmanga vote thlak a nih avangin vote chhiar chhung hi a rei deuh a, nizan zanlai thlenga chhiar kha a nih rin a nih avangin result kimchang erawh hriat hman a ni lo.

Result chhiar tawh chinah BJP an che ṭha chho hle a, state panga inthlan result puanah BJP hi che ṭha lo mah se Assam Panchayat-ah chuan thawm an la nei ring hle.

Panchayat inthlanah hian party lian BJP, Congress, Asom Gana Parishad, Bodoland Peoples Front leh All India United Democratic Front (AIUDF)-te chu an ding vek a ni. He thu ziah lai hian post 1,218 result chhiar tawh a ni.

Counting centre tinah hian CCTV dah vek a ni a, venhimna khauh tak hnuaiah vote hi chhiar a ni bawk. Assam Panchayat inthlan hi thawh hniha neih niin December 5 leh ni 9 khan neih a ni a, gaon panchayat members (GPM) 21,990, gaon panchayat presidents (GPP) 2199, anchalik panchayat members (APM) 2199 leh zila parishad member (ZPM) 420 thlanchhuah an ni dawn.

Contestant 78,571 awmin heng zinga 734 hi chu chuhtu awm loin an tling sa a ni.