NSCN-IM VC Khole Konyak Delhi-ah thi

National Socialist Council of Nagaland (NSCN-IM) Vice Chair­man, Khole Konyak chu stroke vangin Nilaini zingah khan New Delhi-ah a thi.

Thudawnna in a tarlan dan chuan Khole Konyak hi Thawhlehni khan stroke vangin a dam lo a, life support pek ni mah se Nilaini zing dar 2:30 khan a thi ta a ni.

A ruang hi vawiin hian Dimapur panpui a ni dawn a, CHQ, Camp Hebron-ah dah a nih hnuah a awmna khua Mon District-a Tobu thingtlang khuaah vui a ni ang.

Khole Konyak hi May 17, 2016 khan NSCN-IM Vice Chairman atan hian lakluh a ni.

Nagand Opposition leader TR Zeliang pawhin Khole Konyak chu a ui thu a sawi a, Naga National Worker a nih thu a sawi. Indo-Naga Peace talk atana a inpekna chu fakin a hnathawh chu Naga mipuite chuan an hre reng tawh dawn tih a sawi.