Punjab lakah Meghalaya sorkar lungawi lo

Punjab sorkarin Meghalaya Them Metor-a cheng sikh community-te tana compensation an pek tur zat an tihchhuahah chungchangah, Megha­laya sorkar chu Punjab sorkar lakah a lungawi lo.

Deputy Chief Minis­ter, Prestone Tynsong chuan Nilaini-a Punjab sorkar thuchhuah chuan a lung a tiawi lo tih sawiin thil awmdan zirchiang hmasa lo in compensation an siam niin a sawi a ni.

Prestone Tynsong chuan Sikh community-ah hliam tuar an awm chuan Meghalaya sorkar pawhin compensation an pe thei tih a sawi a, mahse Sikh mi zingah hliam tuar an awm thu an dawng lo tih sawiin Shillong-a buaina a chhuah ṭum khan Sikh hliam an awm lo niin a sawi.

Tynsong chuan Them Metor-a cheng Sikh-te chu state khua leh tui nihna nei an nih thu sawiin an bungrua tihchhiat a nih te chu state in a buaipui tih a sawi bawk. Hetichunga sakhuana changchawia politics an khel chu thil pawi tak a nih thu a sawi bawk a ni.

Punjab sorkarin thutlukna a saim chu thil dik a nih loh thu sawiin, Meghalaya sorkar chu an lawm lo tih a sawi.

Thawhlehni khan Punjab-a Captain Ama­rinder Singh kaihhruai sorkar chuan Shillong-a Sikh community-te bungrua tihchhiat chhawm­dawl nan cheng nuai 60 pekchhuah a remti a ni.