Manipur-a rukbo te ni 10 chuang hnuah chhuah

Manipur-a Shivalaya Construc­tion Co. Pvt. Ltd. hnathawk pathum Sekmai Khwairakpam Kusong aṭanga rukbo te chu ni 10 chuang hnuah chhuah an ni.

Shivalaya Construction hna­thawk pathum te hi November 29 khan ruk bo niin Kangpokpi SP kutah hlan let leh an nih thu Nilaini khan an tarlang.

Kangpokpi SP hnenah hian Phailengkot thingtlang khaw hruaitu Kuki Inpi leh CVO-ten an hlan a, tualchhung miten an zawng hmu nia sawi a ni.

Shivalaya Construction hna­thawk te hian KSO Sadar Hills president zawhna chhangin an­mah­ni rubotu te hian an mit an tuamsak tih an sawi a, ramhnuaiah thui tak an kalpui hnuah leh thui tak an zinkual pui hnuah hmun pakhatah an mit tuamna chu an phelhsak chauh tih an sawi. Nikhatah chaw vawihnih pek an nih thu sawi bawkin kut an thlak lo tih an sawi bawk.

Hmun an nih tukah pawh hian an mit an tuamsak hnuah a rubo tute hian an kalsan leh daih niin an sawi a, chumi hnu chuan mibo zawngtute chuan an rawn hmu ta niin an sawi.