SC in NRC Claims & Objections siam hun pawtsei

Supreme Court chuan Nilaini khan hriattirna tichhuakin Assam-a National Register of Citizenship (NRC) claims & objection siam hunchhung chu December 31 thleng a pawhsei sak.

Thupek an tihchhuah hmasakah chuan naktuk thleng hi hun pek an ni a, mahse state sorkarin a ngenna angin ni 15 chhung hun pekbelh leh an ni ta a ni.

SC chuan nakkum February 15-ah claims & Objections enfiahna hi an nei dawn bawk.

Assam sorkar chuan court hnenah hian ngenna thlenin claims & objections nuai 14.8 a lut tawh tih an sawi a, ziak leh chhiar thiam mumal lo tan chuan form fillup hi thil hautak tak a nih thu an hrilh bawk.

State sorkar chuan Assam Panchayat inthlan a karah a tlakzeh bawk avangin hmalakna a chak thei lo tih an sawi bawk a ni.

NEC draft list hi July 31 khan tihchhuah niin mi nuai 40 chuang list-ah hian an tel lo.