Thlipui tleh vangin Assam-ah mi 14 thi

Assam state-ah Zirtawpni leh Inrinni khan hmun hrang hrangah thlipui tleh leh ruahsurin chhiatna a thlen avangin mi 14 an thi tawh.

Assam State Disaster Management Authority (ASDMA)-in a tarlan danin, thlipui tlehin chhiatna a thlenah Dibrugarh, Barpeta, Goalpara leh Tinsukia district-ah thi hi an awm a ni.

Thlipui tleh vang hian district 12-a mi 21,000 chuangin harsatna an tawk tih ASDMA chuan sawiin, Zirtawpni khan chenna in 7,344 chhiain, Inrinni-ah chenna in 4,768 a chhe leh bawk tih a sawi.

Assam bakah Meghalaya leh Arunachal Pradesh pawhin thlipui hian a nuai a, heng state pahnihah pawh hian chhiatna nasa tak a thlen bawk. Meghalaya-ah hian in 1,000 chuang thlipui tleh hian a len chhia a ni.