Nagaland sorkarin doctor-te casual leave lak tum pawm lo turin ti

Nagaland sorkar hnuaia doctor hna thawkte chuan superannuation kum tihpun phuta sorkar nawrna atana vawiin aṭanga ni thum chhung a ruala chawlh lak an tum a, mahse state sorkar chuan Health Department hnenah doctor-te leave lak tum hi pawm lo turin a hriattir.

Chief secretary J Alam chuan Nagaland In-Service Doctors Association (NIDA) ten a ruala chawlh lak an tum hun, April 18-20 chhungin tumah casual leave pek an ni dawn lo tih a sawi. Health and Family Welfare-a principal director pawhin chief medical officer tinte hnenah hriattirna pein, April 18-20 chhung atana leave an lo pek tawh pawh sut vek turin a ti bawk.

Doctor-te hian pension kum hi kum 60 aṭangin kum 62-a tihpun an phut a ni.