Janitia Hills lungalhthei khurah mi 13 tang
Meghalaya-a East Khasi Hills district huamchhung, Saipung Police Station area-a Lyteiñ lui bul Ksan-a lungalhthei khur a chim avangin mi 13 khurah hian an tang.
Tang zingah hian East Jaintia Hills-a Lumthari thingtlang khaw mi pathum an tel nia sawi a ni.
Police-te chuan he lungalhthei khur hi a hlui tawh hle niin an sawi a, kum tam tak chhung hman a nih tawh loh hnuah tun hnaiah khan he khurah hian hna an thawk leh ṭan niin an sawi.
Police-te chuan tang 13 zinga pali hi chu Assam mi an nih thu an sawi a, Wesr Garo Hills mi paruk bakah East Jaintia Hills mi pathum an tel niin an sawi bawk.
Lungalhthei khura tangte hi an thih mai a hlauhawm thu sawiin tui a luan luh reng avangin an damchhuahna chance a chhe hle niin an sawi a, mahse thi an awm leh an awm loh he thu ziah lai thleng hi chuan tarlan a la ni lo.
Police-te chuan generator hmangin khur chhunga tui hi an pump chhuak tih sawiin khur neitu lakah hian thubuai an ziaklut tawh tih an sawi a ni.