Manipur-ah hmeichhe pakhat bomb nen man

Manipur police leh Imphal West District-a Tera Amudon area Assam Rifles ṭangkawp te chuan Inrinni khan hmeichhe pakhat, hel pawl mi ni ngeia hriat chu an man a, an mi man kut aṭang hian China siam hand grenade, detonator leh silai mu eng emaw zat an man tel.

Imphal West dis­trict Additional Supe­rintendent of Police (Commando), Th. Krish­natombi chuan an hmei­chhe man hi hel pawl Zeliangrong United Front (ZUF) mi leh sa ni ngeia an hriat thu a sawi.

Grenade 20, detonator 20 leh AK 47 live round 1,120 an man tel thu a sawi bawk.

Lamphel police station-ah thubuai ziahluh nghal a nih thu sawiin an chhuizui nghal dawn thu a sawi bawk a niin PTI chuan an tarlang.