AP-ah project vbch. 9,533 tlangzarh dawn
Union Minister for Road Transport and Highways Nitin Gadkari chuan vawiin hian Arunachal Pradesh-ah national highways projects cheng vaibelchhe 9,533 man tur a tlangzarh dawn.
Nitin Gadkari hian Roing-a Dibang leh Lohit lui chunga lei dawh te pawh a hawng nghal dawn nia tarlan a ni a, Arunachal Pradesh Chief Minister Pema Khandu lehMinister of State for Home Affairs Kiren Rijiju-te pawhin an ṭawiawm dawn a ni.
Official-te chuan he project atan hian cheng vaibelchhe 1,508.30 an sen thu sawiin km 30.95-a thui anih thu an sawi. Minister hian NH-52 B, Mahadevpur leh Buri Dihing inkar kawng two-lane a siam, km. 25.14-a thui pawh a hawng dawn nia sawiin he project atan hian cheng vaibelchhe 136.60 an seng tih an sawi. NH-52 B ami tho Bordumsa- Namchik kawngpui km. 22.23-a thui, cheng vaibelchhe 189.91-a thui pawh a hawng dawn niin an sawi.
Heng bakah hian Gadkhari hian Roing-a national highway project cheng vaibelchhe 2114.82 senna tur, km 96.47-a thui kawng siamna tur lungphum pawh a phum dawn bawk. Hetah hian Hunli-Anini Road (NH 313), cheng vaibelchhe 1,718.59 man project te, Hayuliang-Hawai kawngpui cheng vaibelchhe 256.66 man te leh Hunli-Anini kawngpui cheng vaibelchhe 139.37-te pawh a tel niin official te chuan an sawi a ni.
Ziro-ah pawh Gadkhari hian cheng vaibelchhe 5,583.92 senga national highway km 472-a thui siamna tur project thawhna tur lungphum pawh a phum dawn niin an sawi a, minister hian NH 229-a Potin - Pangin kawngpui, km 351.38-a thui, cheng vaibelchhe 3,956 senna tur project pawh a tlangzarh dawn tih bawk.