Meghalaya: KHADC, JHADC Inthlan hun puang

Meghalaya sorkar chuan Ningani khan an state chhunga Auto­nomous District Council pahnih, Khasi Hills Autonomous District Council leh Jaintia Hills Autonomous District Council-te inthlan hun tur a tarlang.

Deputy Chief M­inister, Prestone Tyn­song chuan Nilaini khan State Cabinet-in thutlukna an siam thu sawiin, District Council Affairs department in rawtna an siam nakkum February 27-a inthlan a, March 2-a vote chhiar an rawt chu pawm a nih thu a sawi.

Tynsong chuan Feb­ruary 2 aṭangin model code of conduct hman ṭan a nih dawn thu sawiin, 6th Schedule-ah model code of conduct chungchang hi lang lo mah se an state dan angin sorkar chuan an kengkawh dawn tih a sawi a ni.

January 12, 2019-ah electoral role draft a ni dawn a, ni 22 thleng claims and objections siam theih a ni thung ang. January 30-ah electoral roll tarlan a ni ang a, February 7 thleng nomination a thehluh theih thung ang a, February 8-ah nomination enfelna neih tur niin ni 9 thleng nomination aṭangin a inhnuhdawh leh theih dawn a ni.