Assam election commission-in CM Sarma chhui turin thu pe

Assam State Election Commission chuan Guwahati Municipal Corporation (GMC) inthlan neih tur atana a campaign-naah chief minister Himanta Biswa Sarma-a'n model code of conduct a bawhchhia nia puh chungchang chu chhui chiang turin thupek a tichhuak.

Thawhṭanni khan state election commission hian Kamrup (M) deputy commissioner Pallab Gopal Jha hnenah CM puhna hi chhui turin a hrilh a ni.

Asom Jatiya Parishad (AJP) chuan election commission-ah hian complaint thehlutin, CM Sarma chuan inthlan neih tur atana a campaign-naah Guwahati-a cheng zinga ram neilote chu land patta pek an nih tur thu a puang niin a sawi. Hei hi model code of conduct bawhchhiatna lian tak leh, eirukna dik tak a ni, an ti. Hei bakah hian CM hian voter-te chu BJP candidate-te an vote a nih chuan Arunodoi scheme chu pawhsei a, ward tin tan Rs vaibelchhe 10 pek a tiam bawk niin AJP chuan an sawi.