AP CM-i'n Rajnath Singh hmu

Arunachal Pradesh chief minister Pema Khandu chuan Thawhṭanni khan Delhi-a union defence minister Rajnath Singh a hmu a, an state-a border area tihhmasawnna tura hmalakna hrang hrangte a sawipui.

CM Khandu hi Rajnath Singh kaihhruaia National Institute of Mountaineering & Allied Sports (NIMAS) executive committe meeting-ah a tel bawk. Meeting-ah hian NIMAS hmalakna tihchak dan turte sawiho a ni.

NIMAS hi Arunachal Pradesh-a West Kameng district-a Dirang hmunah din a ni a, ministry of defence hnuaiah autonomous institute a ni. Mountain rescue, mountaineering leh adventure sports lamah specialized training a pe ṭhin. Ram acre 52-a zau neiin; khawmual, boruak leh tui lama adventure course awmna, National Institute hmasa ber a ni.