AP CM-in minister pathum a ban AP-ah BJP sorkar a ding

Arunachal Pradesh Chief Minister Pema Khandu chuan a minister pathum leh advisor pahnih a ban. CM Khandu leh PPA MLA 32-te chuan BJP an zawm avangin AP-ah hian BJP sorkar a ding tawh a ni.

Chief Minister thurawn angin, Governor Governor V Shanmuganathan chuan minister pathum - Animal Husbandry, Dairy Development, Fisheries, Sports and Youth Affairs Minister Rajesh Tacho, Rural Development and Panchayati Raj Minister Tanga Byaling leh, PHE, Water Supply and Disaster Management Minister Takam Pario te chu December 31 khan ban a lo remti tawh a ni. Minister-te portfolio hi CM hian a chelh chhunzawm rih dawn niin Chief Secretary Shakuntala Doley Gamlin thuchhuah chuan a tarlang.

Minister pathum-te ban an nih bakah, Principal Advisor leh Advisor to the Chief Minister Kameng Do leh Tapang Taloh-te pawh Thawhṭanni aṭang khan an hna aṭangin chawlhtir an ni bawk.

CM chuan parliamentary secretary panga - Mutchu Mithi (PWD), Markio Tado (Food and Civil supplies), Tirong Aboh (Geology and Mining), Dikto Yekar (Art and Culture) leh Nikh Kamin (Disaster Management) te pawh a ban bawk.

Minister, advisor leh parlia­mentary secretary aṭanga ban takte hi Peoples’ Party of Aruna­chal (PPA) MLA te an ni a, CM atana Khandu-a duh lo tu leh, a aiah Taka Pario dah duh zawktute an ni.

Kar kalta Zirtawpni khan Khandu duh lotute hian Pario hi CM atan an thlang a, mahse a hnu lawk, December 31 khan Khandu leh PPA MLA 32-te chuan BJP zawmin, BJP sorkar an din zui a ni.

BJP General Secretary RAm Mahdav chuan AP-ah BJP sorkar a din tak thu a sawi a, hetihlai hian PPA chuan BJP chu sorkar siam an duh avanga PPA MLA-te hruaikawi-ah a puh thung. PPA hi North East Democratic Alliance (NEDA)-ah a tel a, mahse politics lama an buai lama an buaina chinfel dan kawng ngaihtuah pui duh lohah PPA Presidetn Kahfa Bengia chuan NEDA convenor leh BJP leader Himanta Biswa Sarma chu a puh.