Manipur Congress MLA-in BJP a zawm

Manipur-a rorellai, Congress MLA Kikhondou Newmai chuan BJP a zawm a, a rual hian Auto­nomous District Council (ADC) member pathum pawhin BJP an zawm ve bawk. Manipur Assembly inthlan hi kumin kum chanve hma lamah neih a ni dawn a ni.

Pathianni khan BJP Manpur office-ah MLA Newmai hi BJP-ah lakluh a ni a, he hunah hian Manipur unit BJP hruaitute bakah national leader pahnih ten an hmanpui a ni.

Kikhondou Newmai-a chuan Congress party a chhuahsan chhan chu tlang mite a ngaihsak tawk loh vang niin a sawi. "Party hruaitute hi ka nin em avangin Congress hi ka chhuahsan a ni. Tlang mite hi an hrechang ve lo. Narendra Modi-a thuthlung leh a hmathlirte hi a ka ring tawk a, hei vang hian BJP hi ka zawm ta a ni. Hei bakah hian kan mite pawhin Congress chhuahsan tur hian min nawr reng bawk. Congress president hnenah pawh banna lehkha ka thehlut tawh a, Manipur Legislative Assembly speaker pawh ka hrilh tawh a ni. BJP hian Manipur-ah sorkarna a siam ngei ka ring a ni", a ti.

Hetih lai hian BJP member zingah pawh party ticket chan dawn loh vanga Congress party-a inpe an awm ve bawk.