AP-ah ruahsur vanga leiminah mi 3 an thi

Arunachal Pradesh-a Kurung Kumey district-ah ruahsur nasa avanga leimin nasa tak thlengah mi pathum an thi.

Kar liam ta chhung khan state chhungah ruah nasa takin a sur a, hmun tam takah leiminin kawngpui hnawhin inkalpawh thei loin an awm a, thingkungte an tluk bakah chenna in pawh tam tak a chhe bawk tih official-te chuan an sawi.

Koloirang circle-a Sulung Tapin khuaah leimin nasa tak thlengin, chenna in 15 a hnawl a, mi pathum a chhilh hlum bawk tih additional district commissioner (ADC) Ocean Gao chuan a sawi. Thite hi Sariu Tongdang (52), Sariu Yajik (47) leh Sariu Takar (nine) te an ni a, mi dang pakhatin hliam na tak a tuar bawk.

Ruahsur avanga in chhiate hi sorkar chuan rehabilitation centre-ah awm lailawk tirin, chhawmdawlna pawh pek an nih thu Gao chuan a sawi.