Jaintia Hills hotuten smart meter titawp turin ngen

Meghalaya-a Synjuk Waheh Shnong Ri Jaintia (traditional head)-te chuan state power minister Prestone Tynsong hnenah memorandum thehlutin, smart meter vuah mek chu mipuiten metre system ṭhat leh ṭhat lohnate an hriatchian hma chu vuah chhunzawm tawh lo turin an ngen.

Synjuk president Arminiusc Lipon chuan, "Smart meter hian fel tawk lohna a nei a, an function hi a dik thlap lo a ni," tiin rural area-a cheng tam tak chu ziak leh chhiar thiam lo a ni a, smart meter bill-te chu SMS kaltlanga thawn an nih dawn vangin an tan a buaithlak dawn a ni, a ti.

Smart meter hman hian consumer-te chu electric unit an hman dan enfiahna kawngah a pui chuang lo a, energy hman man pawh a tihtlem phah chuang lo a ni tiin Lipon chuan a sawi. Hei vang hian smart meter system hman a nih hmain mipuite chu zirtirna ṭha tak neih phawt a, an rinngam tura siam phawt a ngai tih a sawi.