Sorkar laipuiin Naga helpawl 3 nena inkahhai puan a pawtsei

Sorkar laipui chuan Naga helpawl pathum - National Socialist Council of Nagaland-NK (NSCN-NK), National Socialist Council of Nagaland- Reformation (NSCN-R) leh National Socialist Council of Nagaland K-Khango (NSCN K-Khango) te nena inkahhai a lo puan tawh chu kum khat dang a pawtsei.

Ministry of home affairs-in Thawhlehnia thuchhuah a siamah, NSCN-NK leh NSCN-R nena inkahhai an puan chu April 28, 2022 aṭanga April 27, 2023 thleng pawhsei a ni a, NSCN-K-Khango nena inremna an siam pawh April 18, 2022 aṭanga April 17, 2023 thleng pawhsei a nih thu a tarlang. Heng inremna hi Thawhlehni khan ziahfel a nih thu a tarlang bawk.

Heng pawl pathumte bakah hian Naga helpawl dang, Niki Sumi kaihhruia chu nikum September 8 khan sorkar laipui chuan inkahhai puanna tur inremna hi a lo ziahpui tawh a ni.