Amit Shah laka ṭawngkam mawi lo hmanga puh Imphal court-in bail-a a chhuah a phalsak

Manipur-a imphal city court chuan union home minister Amit Shah chungchanga ṭawngkam mawi lo taka hmanga puh, April 12 zana man Manipur Congress party thupuangtu, Sanaojam Samchoron Singh chu bail-a a chhuah a phalsak.

Amit Shah-a'n hmarchhak state tinah Class X thleng Hindi compulsory-a dah remtih a nih thu a sawi chungchang, TV talk show-a an sawihonaah lawyer ni bawk, Singh hi mainland Indian leh Amit Shah chungchang a sawinaah ṭawngkam mawi lo tak hmanga puh niin, Manipur BJP Yuva Morcha hotu chuan complaint a thlehlut a, hemi hnu hian man a ni ta a ni.

Mahse man a nih hnuah city court chuan Singh lakah ṭawngkam a hman danah sorkar laipui laka hel tura midang fuih ni ang hiala puhna chu finfiahna rintlak a awm lo tiin a sawi. "Mi tupawhin sorkar fak emaw, a sawisel zawng emawin an ngaihdan chu an sawichhuak thei a ni," a ti.