AP-a kangmei chhuakah in 30 chuang kang ral

Arunachal Pradesh-a Upper Siang district headquarters, Yingkiong-ah Ningani chawhnu khan kangmei nasa tak a chhuak a, chenna in leh sumdawnna hmun 30 chuang a kangral.

Kangmei chhuah chhan hi hriat a la ni lo a, thi leh hliam an awm lo.

Upper Siang deputy superintendent of police Opir Paron chuan kangmei hi chawhnu dar 2 velah a chhuak ṭan a, zan dar 6-ah an ṭhelh mit tih a sawi. "In 33 vel a kang a, heng zingah hian dawrte pawh an tel a ni," tiin kangmei chhuaka thil kangchhe zat hi Rs vaibelchhe 4 - 5 hu vel nia chhut a nih thu a sawi bawk.